ملک میں کورونا وائرس کے بڑھتے ہوئے کیسز کے پیش نظر طلباء کی کلاسز آن لائن لینے کا فیصلہ کرلیا گیا ہے۔

تفصیلات کے مطابق یونیورسٹی آف ہیلتھ سائنسز ،الحاق شدہ میڈیکل اور ڈینٹل کالجزمیں تمام کلاسز ٹائم ٹیبل کے مطابق  دوبارہ سے  آن لائن طریقہ کار پر منتقل ہوجائیں گی۔

ترجمان کے مطابق یو ایچ ایس ،الحاق شدہ میڈیکل اور ڈینٹل کالجز دو ہفتے کیلئے 15مارچ سے 28مارچ تک بند رہیں گے۔

ترجمان  کے مطابق  تمام کلاسز ٹائم ٹیبل کے مطابق آن لائن طریقہ کار پر منتقل ہوجائیں گی، جبکہ پہلے سے جاری  امتحانات اعلان کردہ شیڈول کے مطابق ہی ہوں گے۔

ترجمان نے کہا کہ یونیورسٹی اسٹاف کورونا کے حوالے سے تمام ایس او پیز پر سختی سے عمل کرے گا۔