سینیٹر فیصل واوڈا کا کہنا ہے کہ گالیاں دینے اور شور شرابہ کرنے سے آپ کی ہار جیت میں تبدیل نہیں ہوگی۔

تفصیلات کے مطابق اسلام آباد میں پارلیمنٹ ہاؤس کے باہر میڈیا سے گفتگو کرتے ہوئے ایوان بالا میں چیئرمین اور ڈپٹی چیئرمین سینیٹ کے الیکشن کے موقع پر خفیہ کیمروں کے منظر عام پر آنے پر فیصل واوڈا نے کہا کہ میرے بھائی کی جیب میں کوئی چیز ہو، مجھے پتاہو اس کا مطلب ہے وہ چیز میں نے ڈالی ہے۔

اس موقع پر اپوزیشن کو آڑے ہاتھوں لیتے ہوئے سینیٹر فیصل واوڈا کا کہنا تھا کہ گالیاں دینے اور شور شرابہ کرنے سے آپ کی ہار جیت میں تبدیل نہیں ہوگی، اب ملک کی سالمیت اور بقا کی باری آگئی ہے، ان بے ایمانوں کو کسی حال میں نہیں چھوڑوں گا۔