کیلیفورنیا میں وین اور ٹرک کے تصادم سے 15 افراد جاں بحق جبکہ متعدد زخمی ہوگئے  ہیں۔

تفصیلات کے مطابق امریکی ریاست کیلیفورنیا کی امپیریل کاؤنٹی میں وین اور ٹرک کی ٹکر ہوگئی، حادثے میں 14 افراد موقع پر ہی جاں بحق ہوگئے جبکہ 1 زخمی اسپتال میں دم توڑ گیا۔

پولیس حکام کا کہنا ہے کہ حادثہ میکسیکو کی سرحد کے قریب ایمپیرئیل کاؤنٹی میں پیش آیا اور حادثے میں جاں بحق ہونے والوں کی عمر 20 سے 55 سال کے درمیان ہیں۔

پولیس حکام کا مزید کہنا ہے کہ حادثے میں 12 افراد زخمی بھی ہوئے جنہیں طبی امداد کے لئے اسپتال منتقل کردیا جبکہ حادثے کی وجوہات کا پتہ لگانے کے لیے تحقیقات کا آغاز ہو گیا ہے۔