رینجرز کی سول انتظامیہ کے ہمراہ راجن پور کے دور دراز علاقوں میں امدادی سرگرمیاں جاری ہیں۔

پاک فوج کے شعبہ تعلقات عامہ (آئی ایس پی آر) کے مطابق راجن پور کے دور دراز علاقوں میں رینجرز سیکیورٹی فورسز اور سول انتظامیہ کے ساتھ امن واستحکام اور سماجی کاموں میں مصروف ہیں۔

آئی ایس پی آر نے کہا ہے کہ راجن پور میں رینجرز کی جانب سے گزشتہ ایک ہفتے میڈیکل سہولتیں اور ادویات فراہم کی گئیں جبکہ مختلف افرادمیں راشن کے 800بیگس تقسیم کیےگئے۔

آئی ایس پی آر نے مزید کہا کہ راشن بیگس میں آٹا،دالیں،چاول،چینی اور چائے شامل جبکہ بچوں میں1ہزار گفٹ پیک،30 مستحق خواتین میں سلائی مشینیں تقسیم کی گئیں۔