بھارت میں بے حسی کے ایک اور واقعے نے لوگوں کو حیرت زدہ کردیا ، بہار میں ایک شخص اپنے بیٹے کی لاش کو پلاسٹک کے تھیلے میں 3 کلو میٹر دور لے جانے پر مجبور ہوگیا۔

تفصیلات کے مطابق بھارتی ریاست بہار میں بے حسی پر مبنی واقعہ اُس وقت رونما ہوا، جب ایک شخص نے اپنے مردہ بیٹے کی لاش اسپتال لے جانے کے لیے ایمبولینس مانگی تو ریسکیو اداروں نے گاڑی فراہم کرنے سے انکار کردیا۔

گاڑی کی فراہمی کے انکار کے بعد والد نے اپنے جگر گوشے کی لاش کو تھیلے میں ڈالا اور پیدل چل کر اسپتال پہنچا، دلخراش واقعے کی تصویر دیکھ کر ہر شخص کی آنکھ بھر آئی۔

 بھارتی میڈیا کے مطابق مذکورہ بالا شخص کا بیٹا ندی میں ڈوب تھااور اپنے مردہ بیٹے کا پوسٹ مارٹم کروانے کے لیے اسے اپنے مردہ بیٹے کو پلاسٹک کے تھیلے میں اسپتال لے جانا پڑا۔