پاکستان شوبز انڈسٹری کی معروف اداکارہ صبا بخاری نے شوبز انڈسٹری کا سیاہ چہرہ بے نقاب کر دیا۔

تفصیلات کے مطابق ڈراما سیریل ’’دل ناامید تو نہیں‘‘ میں سعدیہ کا کردار ادا کرنے والی اداکارہ صبا بخاری نے سوشل میڈیا ایپ انسٹاگرام پر شوبز میں کام ملنے سے قبل پیش آنے والی دشواریوں اور کام دینے کے بہانے خواتین اور لڑکیوں کے ساتھ نازیبا گفتگو کرنے کا اپنا تجربہ بیان کیا ہے۔

مزید پڑھیں

سنگیتا کا شوبز انڈسٹری کی نئی اداکاراؤں سے ناراضی کا اظہار

پاکستان شوبز انڈسٹری کی معروف سینئر اداکارہ، ہدایتکارہ اور پروڈیوسر میڈم سنگیتا...

گزشتہ روز صبا بخاری نے ایک طویل پوسٹ انسٹاگرام پر شیئر کی ہے۔

اداکارہ نے اپنی پوسٹ میں لکھا کہ جب وہ شوبز میں کام مانگنے جاتی تھیں تو ان سے یہ کہہ کر ان کی حوصلہ شکنی کی جاتی تھی کہ’’تم میں اتنا کانفیڈنس تو ہے نہیں کہ تم اس میڈیا میں آگے جا سکو۔‘‘

’’مسئلہ یہ ہے کہ تم ایک اچھی لڑکی ہو اور اس فیلڈ میں اچھی لڑکیاں نہیں چلتیں۔‘‘

 ’’ایسا کیسے ہوسکتا ہے کسی نے تمہارے ساتھ کچھ غلط کرنے کی کوشش نہ کی ہو۔‘‘

’’ہم تمہیں کام کیوں دیں اور پیسے بھی دیں جب کہ یہاں لڑکیاں کام کے لیے نازیبا کام کرنے کو تیار ہیں۔‘‘

یہ وہ تمام جملے ہیں جو اداکارہ صبا بخاری کو اس وقت سننے کو ملے جب وہ مختلف لوگوں کے پاس کام مانگنے جاتی تھیں۔

 اداکارہ نے مختلف ڈائریکٹرز اور لوگوں کی جانب سے کٰیے گئے ان جملوں نے نہ صرف انہیں اندر سے توڑ کر رکھ دیا بلکہ ان کے خواب بھی چکنا چور کردئیے۔

اداکارہ صبا بخاری کے انسٹاگرام پر چار ہزار سے زائد فالوورز ہیں۔

پاکستان شوبز انڈسٹری کا نیا چہرہ اداکارہ صبا بخاری زیادہ پراجیکٹس میں تو نظر نہیں آئیں تاہم آج کل وہ نجی چینل سے نشر ہونے والے ڈرامے ’’دل ناامیدتو نہیں‘‘ میں نظر آرہی ہیں۔