وزیراعلیٰ پنجاب کا کہنا ہے کہ 26 مارچ کو کسی کو قانون ہاتھ میں لینے کی اجازت نہیں دی جائے گی، تصادم کی پالیسی کسی صورت ملک کے مفاد میں نہیں۔

تفصیلات کے مطابق وزیراعلیٰ پنجاب عثمان بزدار نے صحافیوں سے غیر رسمی گفتگو کرتے ہوئے کہا کہ جس کو بھی نیب بلائے اس کو چاہیے اداروں کی عزت کرتے ہوئے پیش ہوں، اداروں کا احترام سب پر لازم ہے، اپوزیشن جماعتیں اپنا کیا ہوا بھگت رہی ہے۔

واضح رہےکہ وزیراعلیٰ پنجاب عثمان بزدار شیخوپورہ روانہ ہو گئے ہیں ۔ عثمان بزدار شیخوپورہ کے عوام کی فلاح و بہبود کے لئے اربوں روپے کے منصوبوں کا افتتاح اور سنگ بنیاد رکھیں گے۔

ذرائع کے مطابق انہیں ترقیاتی منصوبوں پر ہونے والی پیشرفت کے بارے میں بریفنگ دی جائے گی۔

وزیراعلیٰ پنجاب عثمان بزداردورے کے دوران  اراکین اسمبلی سے بھی ملاقات کریں گے۔