سرچ انجن گوگل نے خواتین کے عالمی دن کے موقع پر انہیں خراجِ تحسین پیش کیا ہے۔

تفصیلات کے مطابق خواتین کو خراجِ تحسین پیش کرنے کے لیے گوگل کے ڈوڈل میں مختلف شعبوں میں نمایاں کردار ادا کرنے والی خواتین کو دکھایا گیا ہے۔

گوگل عالمی دنوں کی مناسبت سے وقتاً فوقتاً اپنا ڈوڈل تبدیل کرکے اہم شخصیات کو خراجِ تحسین پیش کرتا ہے لیکن آج خواتین کے عالمی دن کے موقع پر گوگل نے اپنے ڈوڈل میں خواتین کو دکھایا ہے جو ہاتھوں میں ہاتھ تھامے دکھائی دے رہی ہیں۔

واضح رہے کہ خواتین کا عالمی دن ہر سال 8 مارچ کو منایا جاتا ہے، یہ دن خواتین کے حقوق اجاگر کرنے کیلئے مختص کیا گیا ہے۔