وزیراعظم عمران خان کورونا وائرس کے سبب یومِ پاکستان کی پریڈ کی تقریب میں شرکت نہیں کر سکے۔

تفصیلات کے مطابق صدرِ پاکستان ڈاکٹر عارف علوی، وزیر دفاع پرویز خٹک، آرمی چیف جنرل قمر جاوید باجوہ، چیئرمین جوائنٹ چیفس آف اسٹاف کمیٹی جنرل ندیم رضا بھی پریڈ کی تقریب میں شریک ہیں۔

یومِ پاکستان کی پریڈ آج اسلام آباد میں ہورہی ہے جس میں سول، فوجی قیادت اور غیرملکی شخصیات شریک ہیں۔

پریڈ میں چاروں صوبوں، گلگت بلتستان اور آزاد کشمیر کے وفود شریک ہیں۔

پریڈ میں فلائی پاسٹ کا مظاہرہ بھی کیا جائے گا۔ جنگی جہاز فضائی کرتب کا مظاہرہ کریں گے۔

واضح رہےکہ جڑواں شہروں میں مقامی تعطیل ہے جبکہ موبائل فون سروس بھی بند ہے۔ موسم کی خرابی کے باعث 23 مارچ کو پریڈ نہیں ہوسکی تھی۔