وفاقی وزیر مواصلات و پوسٹل سروسز مراد سعید نے کہا ہےکہ پی ڈیم ایم نے اپنی سیاست چمکانے کے لیے اداروں کو نشانہ بنایا، پی ڈی ایم کو قیام کے بعد سے ہر محاذ پر شرکت کا سامنا کرنا پڑا ہے۔

وفاقی وزیر مواصلات و پوسٹل سروسز مراد سعید نے پی آئی ڈی میں پریس کانفرنس سے خطاب کرتے ہوئے کہا کہ پی ڈی ایم اپنی سیاست بچانے نکلی ہے عوام نے پی ڈی ایم کی سیاست کو مسترد کر دیا ہے۔

 مراد سعید نے کہا کہ پی ڈی ایم کو قیام کے بعد سے ہر محاذ پر شرکت کا سامنا کرنا پڑا ہے۔

وفاقی وزیر نے واضح کیا کہ میثاق جمہوریت اصل میں چارٹر آف ڈکیتی ہے،قوم پی ڈی ایم کی کرپشن نہیں بھول سکتی، اپوزیشن نے کہا تھا کہ استعفیٰ منہ پر ماریں مگر ایک سیٹ پر پیسہ لگا کر بے نقاب ہو گئے۔

 مراد سعید نے کہا ہم قوم کا لوٹا ہوا پیسہ واپس لائیں گے، پیپلز پارٹی ایک صوبے کی جماعت بن چکی ہے جبکہ تحریک انصاف چاروں صوبوں کی نمائندہ جماعت ہے۔

انہوں نے کہا کہ وزیر اعظم نے غریب عوام کے لیے احساس پروگرام اور ہیلتھ انشورنس کارڈ شروع کیا، تحریک انصاف سینیٹ میں اکثریتی جماعت کے طور پر سامنے آئی اب پی ٹی آئی سینیٹ میں بہتر انداز میں قانون سازی کرے گی۔

 پی ٹی آئی رہنما کا کہنا تھا کہ پوری قوم نے گیلانی کے بیٹے کی ویڈیو میں دیکھا کہ کیسے لوگوں کو خریدا جاتا ہے۔