وزیراعظم عمران خان آج ’کوئی بھوکا نہیں سوئے گا‘ پروگرام کا آغاز کریں گے۔

تفصیلات کے مطابق پاکستان تحریک انصاف کے رہنما سینیٹر فیصل جاوید نے سماجی رابطے کی ویب سائٹ ٹوئٹر پر جاری اپنے پیغام میں لکھا کہ ریاست مدینہ کی جانب ایک اور اہم قدم – ماشاءاللہ وزیر اعظم عمران خان آج “کوئی بھوکا نہیں سوئے گا” پروگرام کا آغاز کریں گے، اس سال کے آغاز میں وزیراعظم نے اس پروگرام کے عزم کا اظہار کیا تھا اب اس کا باقاعدہ آغاز کیا جا رہا ہے۔

ریاست مدینہ کی جانب ایک اور اہم قدم – ماشاءاللہ وزیر اعظم عمران خان آج

“کوئی بھوکا نہیں سوئے گا”

Advertisement

پروگرام کا آغاز کریں گے – انھوں نے اس سال کے آغاز میں اس پروگرام کے عزم کا اظہار کیا تھا اب اسکا کا باقاعدہ آغاز کیا جا رہا ہے#کوئی_بھوکا_نہیں_سوئے_گا

— Faisal Javed Khan (@FaisalJavedKhan) March 9, 2021

سینیٹر فیصل جاوید نے بتایاکہ اس پروگرام کے ذریعے موبائل وین سے شاہراہوں اور چوراہوں پر کام کرنے والے دیہاڑی دار مزدوروں اور غریب افراد کو موقع پر تازہ اور گرم کھانے کی سہولت فراہم ہو گی۔

انہوں نے مزید کہاکہ وقت کے ساتھ ساتھ اس پروگرام کا دائرہ کار پورے پاکستان تک پھیلایا جائے گا۔