عوام کو رمضان ریلیف پیکیج دینے کےلئے اقتصادی رابطہ کمیٹی کا اجلاس طلب کرلیا گیا۔

تفصیلات کے مطابق وزیرخزانہ کی زیر صدارت اقتصادی رابطہ کمیٹی کا اجلاس کل ہوگا، اس اہم اجلاس میں20نکاتی ایجنڈے پرغور کیا جائے گا۔

ذرائع کے مطابق رمضان ریلیف پیکیج، یوریا اور کپاس کی درآمد ایجنڈے میں شامل ہے۔

 پیٹرولیم مصنوعات پر اوایم سی اور ڈیلرز مارجن پر نظر ثانی کو بھی اجلاس کے ایجنڈے کا حصہ بنایا گیا ہے۔

 اجلاس میں بجلی پیداواری کمپنیوں کے فیول ایڈجسٹمنٹ چارجز پر بھی فیصلہ متوقع ہے۔

ذرائع کے مطابق اجلاس میں مختلف وزراتوں کے لیے ٹیکنیکل گرانٹس کی منظوری بھی متوقع ہے۔