پاکستان شوبز انڈسٹری کی مقبول ترین اداکارہ صبا قمر بھی عظیم خان کا ساتھ دینے میدان میں آگئیں۔

حال ہی میں صبا قمر کی ایک مداح نے اپنی انسٹاگرام اسٹوریز کے ذریعے ان کے ہونے والے شوہر عظیم خان پر زیادتی اور قتل کی دھمکیوں کے الزامات عائد کیے تھے۔

مزید پڑھیں

صبا قمر اور عظیم خان نے مداحوں سے دعاؤں کی اپیل کردی

پاکستان شوبز انڈسٹری کی معروف اداکارہ صبا قمر اور ویڈیو بلاگر عظیم...

گزشتہ روز اپنے آفیشل انسٹاگرام اکاؤنٹ پر ان الزامات پر ردعمل دیتے ہوئے عظیم خان نے خصوصی ویڈیو پیغام جاری کیا تھا۔

عظیم خان نے خود پر لگائے گئے الزامات کی تردید کرتے ہوئے کہا تھا کہ ’الزامات لگانے والوں کے لیے یہ میرا جواب ہے، اب میرے خلاف رپورٹ کرواؤ اور وہ رپورٹ سوشل میڈیا پر پوسٹ کرو۔‘

اُنہوں نے کہا تھا کہ ’اس کے بعد ہی میں آپ کی بات کا جواب دوں گا، آج کے بعد میں آپ کے کسی بھی الزام کا جواب اس وقت تک نہیں دوں گا جب تک آپ باقاعدہ اور منظم طریقے سے مجھ سے بات نہیں کرتے۔‘

عظیم خان کے اس ردعمل پر جہاں سوشل میڈیا صارفین نے اُن کا ساتھ دیا تو وہیں اُن کی ہونے والی اہلیہ و اداکارہ صبا قمر بھی کسی سے پیچھے نہ رہیں۔

صبا قمر نے عظیم خان کی پوسٹ کمنٹ کرتے ہوئے لکھا کہ ’مجھے تُم پر بھروسہ ہے ساتھ ہی دل والے ایموجی کا بھی اضافہ کیا۔

واضح رہے کہ صبا قمر نے گزشتہ دنوں ہی اس بات کی تصدیق کی تھی کہ وہ بہت جلد عظیم خان کے ساتھ رشتۂ ازدواج میں منسلک ہونے والی ہیں۔