معاون خصوصی وزیراعلی پنجاب و چیئرمین سرمایہ کاری بورڈ سردار تنویر الیاس خان  نے کہا ہے کہ وزیر اعظم کی ہدیات پر ہمیں کارکردگی کو بساط سے بڑھ کر کرنا ہے۔

تفصیلات کے مطابق معاون خصوصی وزیر اعلی پنجاب سردار تنویر الیاس کی زیر صدارت بورڈ آف ڈائریکٹر کا اجلاس ہوا جس میں سرمایہ کاروں کی مشکلات کے تدارک پر اٹھائے گئے اقتدامات کا بھی تفصیلی جائزہ لیا گیا۔

اجلاس کے دوران پنجاب میں سرمایہ کاری اور سرمایہ کاروں کو سہولیات باہم پہنچانے پر بات چیت کی گئی۔

معاون خصوصی وزیراعلیٰ پنجاب نے اجلاس کی صدارت کرتے ہوئے کہا کہ غیرملکی سرمایہ کاروں نے وزیراعظم پر اعتماد کرتے ہوئے سرمایہ کاری کا عمل شروع کردیا ہے۔

چیئرمین سرمایہ کاری بورڈ کا کہنا ہے کہ وزیراعلیٰ  کی ہدایت پر مختلف ممالک کے سرمایہ کاروں سے رابطے میں ہوں تاہم سرمایہ کاری کے حوالے سے رکاوٹ آنے پر خود دفتر کھلنے سے قبل اس دفتر کے باہر کھڑا ہوگا۔

معاون خصوصی وزیراعلیٰ پنجاب و چیئرمین سرمایہ کاری بورڈ سردار تنویر الیاس خان کا مزید کہنا تھا کہ رمضان کے بعد غیر ملکی سرمایہ کاروں کی کانفرنس منعقد کی جائے گی۔