پنجاب میں یکم اپریل سے ان ڈور اور آؤٹ ڈور شادیوں کی تقریبات پر پابندی عائد کردی گئی ہے۔

تفصیلات کے مطابق وزیراعلیٰ پنجاب عثمان بزدار کی زیرصدارت انسداد کورونا کابینہ کمیٹی کا اجلاس ہوا۔

اس اجلاس میں اہم فیصلے کیے گئے اور کورونا کی شدت کے پیش نظر سخت اقدامات کی توثیق کی گئی۔

کابینہ کمیٹی نے این سی او سی کے فیصلوں پر سختی سے عملدرآمد کے لائحہ عمل کی منظوری دے دی، جس کے بعد صوبے بھر میں مائیکرو اسمارٹ لاک ڈاؤن کی پالیسی اختیار کی جائے گی۔

فیصلوں کے مطابق یکم اپریل سے ان ڈور اور آؤٹ ڈور شادیوں کی تقریبات پر پابندی عائد کردی گئی ہے۔

اجلاس میں پارکس اور ریسٹورنٹس بند کرنے کا بھی فیصلہ کیا گیا جبکہ صرف ٹیک اوے کی اجازت ہوگی۔

ماسک پر سختی سے پابندی ہوگی اور ماسک نہ پہننے پر جرمانہ عائد کیا جائے گا۔

مارکیٹیں شام 6 بجے بند ہونگی۔

 ذرائع کے مطابق پابندیوں کا اطلاق بارہ فیصد سے زائد کورونا مثبت کیسز والے شہروں پر ہوگا۔