چین سے کورونا ویکسین کی چوتھی کھیپ آج اسلام آباد پہنچے گی۔

تفصیلات کے مطابق چین سے کورونا ویکسین کی چوتھی کھیپ آج اسلام آباد پہنچے گی، کونویڈیسا ویکسین چینی کمپنی کین سائینو بائیو لوجکس کی تیار کردہ ہے اور پاکستان نے کین سائینو سے کورونا ویکسین کی خریداری کی ہے۔

کورونا ویکسین کی چوتھی کھیپ کونویڈیسا ویکسین کی 60 ہزار خوراکوں پر مشتمل ہے۔

ذرائع کے مطابق ویکسین کمرشل پرواز سے اسلام آباد ایئرپورٹ پہنچائی جائے گی۔

کونویڈیسا ویکسین چینی کمپنی کین سائینو بائیو لوجکس کی تیار کردہ ہے اور پاکستان نے کین سائینو سے کورونا ویکسین کی خریداری کی ہے۔

ذرائع کا کہنا ہے کہ چین سے ویکسین کی چوتھی کھیپ 26 مارچ کو اسلام آباد پہنچانی تھی، ناگزیر وجوہات کی بنا پر ویکسین لانے میں تاخیر ہوئی۔ اب اس کے بعد چین سے ویکسین کی پانچویں کھیپ 31 مارچ کو آئے گی۔