سابق امریکی صدر ڈونلڈ ٹرمپ نے عہدے سے سبکدوش ہونے کے بعد ایک بار پھر سیاسی سرگرمیوں کا آغاز کردیا۔

بین الاقوامی ذرائع ابلاغ کے مطابق ڈونلڈ ٹرمپ نے دو ہزار چوبیس میں صدارتی انتخاب لڑنے کا اعلان کردیا اور جیت کا بھی دعویٰ کر دیا ہے۔

ان کا کہنا ہے کہ نومبر میں ہونے والے امریکی صدارتی انتخاب کو چرایا گیا، آئندہ انتخابات میں حریف کو بھرپور شکست دوں گا۔

 ٹرمپ نے کہاکہ فی الحال کوئی نئی سیاسی جماعت بنانے کا ارادہ نہیں، نئی پارٹی بنانے سے متعلق خبریں جھوٹی ہیں۔

سابق امریکی صدرکا مزید کہنا ہے کہ دوہزار چوبیس کے انتخابات سے قبل ری پبلکن کو مضبوط و منظم کیا جائے گا۔