لاہور میں سیالکوٹ موٹروے زیادتی کیس کا فیصلہ عدالت نے محفوظ کر لیا ہے۔

تفصیلات کے مطابق لاہور میں سیالکوٹ موٹروے زیادتی کیس کا فیصلہ عدالت نے محفوظ کر لیا، یہ فیصلہ 20 مارچ بروز ہفتے کو سنایا جائے گا۔

انسداد دہشتگردی عدالت میں ٹرائل کے دوران 40 گواہوں کے بیانات قلمبند کیے گئے۔

عدالت میں موٹروے زیادتی کیس کے جیل ٹرائل میں بڑی پیشرفت سامنے آئی ہے، مقدمہ میں ملوث ملزمان عابد ملہی اور شفقت کے 342 کے بیان پر وکلا کی جرح مکمل ہو گئی ہے۔

انسداد دہشت گردی عدالت نے پراسیکوشن کو حتمی دلاٸل کے لیے 20 مارچ کے لیے طلب کر لیا، ملزمان اپنے بیان میں وقوعہ سے منحرف ہو گئے تھے۔

عدالت نے مقدمہ کے تمام گواہوں کا بیان قلمبند کر کے ملزمان کے بیان قلمبند کیے۔

دوران سماعت رنگ روڈ زیادتی کیس کی متاثرہ اور مدعی کا بیان بھی قلمبند کیا گیا متاثرہ خاتون نے تین گھنٹے سے زاٸد جیل میں موجود رہ کر بیان قلمبند کرایا تھا۔

واضح رہے کہ 9 ستمبر 2020ء کو منگل اور بدھ کی درمیانی شب سیالکوٹ موٹروے پر گجرپورہ کے علاقے میں 2 مسلح افراد نے ایک خاتون کو اس وقت گینگ ریپ کا نشانہ بنایا تھا جب وہ وہاں گاڑی بند ہونے پر اپنے بچوں کے ہمراہ مدد کی منتظر تھی۔