وزیر محنت خیبر پختونخوا شوکت یوسفزئی کا کہنا ہے کہ وزیراعظم عمران خان پہلے ہی کہہ رہے تھے کہ پیسہ لگایا جا رہا ہے، مسترد ہونے والے 6 ووٹوں کو چیلنج کریں گے۔

شوکت یوسفزئی نے میڈیا سے گفتگو کرتے ہوئے کہا کہ پیسہ لگانے کو جمہوریت نہیں کہتے، پاکستان کی تاریخ میں بہت بڑا مذاق ہوا ہے، کیا یوسف رضا گیلانی کو فرشتوں نے ووٹ ڈالے؟

انہوں نے کہا کہ جو پارٹیاں پیسہ دینے میں شامل ہیں ان پر پابندی لگنی چاہیئے، یہ چوری کا پیسہ الیکشن میں استعمال کرتے ہیں۔

وزیر محنت کا کہنا ہے کہ مجھے امید ہے کہ ہماری گیارہ سیٹیں ہوجائیں گی، ہم نے کرپشن کو روکنا ہے۔