پاکستان شوبز انڈسٹری کی معروف اداکارہ صبا قمر اور ویڈیو بلاگر عظیم خان کی جانب سے دعاؤں کی اپیل کی گئی ہے۔

تفصیلات کے مطابق صبا قمر اور ویڈیو بلاگر عظیم خان نے اپنے مداحوں کو شادی کی خوشخبری سنا دی ہے۔

مزید پڑھیں

صبا قمرعزیم خان سے شادی کررہیں ہیں؟

پاکستان شوبز انڈسٹری کی معروف اداکارہ اور ماڈل صبا قمر ویڈیو بلاگر...

صبا قمر اور عظیم خان کی جانب سے اپنے انسٹا گرام اکاؤنٹ کی اسٹوریز پر مداحوں سے دعاؤں کی اپیل کی  گئی ہے۔

جبکہ عظیم خان کی جانب سے آسٹرالیا سے جَلد پاکستان آنے کا عندیہ بھی دیا گیا ہے۔

کچھ گھنٹے قبل صبا قمر نے اپنی اسٹوری میں لکھا ہے کہ ’انہوں نے سب کچھ اللّٰہ کے سپرد کر دیا ہے، ہم سب صرف دعا کر سکتے ہیں،۔

 جبکہ دوسری جانب عظیم خان نے اپنی اسٹوری میں لکھا ہے کہ ’اس وقت ہمیں صرف آپ سب کی دعاؤں کی ضرورت ہے، بہتری کی امید کرنی چاہیے۔‘

پاکستانی انٹرنیٹ اور شوبز انڈسٹری پر نئی جوڑی بن کر اُبھرنے والی صبا قمر اور عظیم خان کی جانب سے ایک دوسرے کی محبت میں گرفتار نئی معنی خیز پوسٹس کا سلسلہ بھی جاری ہے۔

جنہیں مداحوں و فالوورز کی جانب سے خوب پسند کیا جا رہا ہے اور ان دونوں کو سوشل میڈیا پر کافی توجہ بھی دی جا رہی ہے۔

اس سے قبل صبا قمر کی جانب سے اپنی ایک تصویر شیئر کرتے ہوئے لکھا گیا تھا کہ ’تمہارا پیار مجھے خوشی دیتا ہے۔

جبکہ عظیم خان کی جانب سے بھی کی گئی ایک پوسٹ میں کہا گیا ہے کہ ’میرا دل وہی چاہتا ہے جو میں چاہتا ہوں اور تم سے میرے دل کو خوشی ملتی ہے۔‘

صبا قمر نے اپنی ایک یوٹیوب ویڈیو میں شادی سے متعلق کہا تھا کہ ’وہ شادی اپنے لیے کرنا چاہتی ہیں، لوگوں کو دکھانے کے لیے نہیں۔‘

 واضح رہے کہ صبا قمر کی جانب سے ویڈیو شیئر کرتے ہوئے اپنی پوسٹ میں ’شادی کرو کاروبار نہیں‘ کا  ہیش ٹیگ بھی استعمال کیا گیا تھا۔