رمضان المبارک کے دوران مسجد الحرام میں عبادت کو محفوظ بنانے کے لئے نئے کورونا ایس او پیز کا اعلان کر دیا گیا ہے۔

عرب میڈیا کے مطابق حرمین الشریفین انتظامیہ کی جانب سے جاری کردہ نئے کورونا ایس او پیز  کے تحت حرم شریف میں افطاری کی تقسیم پر پابندی ہوگی جبکہ اعتکاف بھی معطل رہے گا۔

 عمرہ متعمرین کو خانہ کعبہ چھونے کی اجازت نہیں ہوگی۔

 حرمین شریفین کی مساجد میں داخلے کے وقت ماسک پہننا لازمی قرار دیا گیا ہے۔

 ہینڈ سینیٹائزر ہر جگہ دستیاب ہوں گے۔

 افطار دسترخوان لگانے پر پابندی ہوگی البتہ افطار پیکٹ پیش کیے جاسکیں گے۔

 حرمین شریفین میں صرف کھجور کے ساتھ داخلے کی اجازت ہوگی باقی ہر قسم کی خوراک تقسیم کرنے پر پابندی ہوگی۔

 مطاف عام عبادت گزاروں کے لیے بند رہے گا۔

 حرمین شریفین کی دونوں مساجد میں اعتکاف پر پابندی ہوگی۔

 آبِ زم زم صرف انفرادی طور پر بوتلوں میں مہیا کیا جائے گا۔

 صرف 10 رکعت تراویح اور 3 رکعت وتر پڑھائی جائیں گی۔

مسجد نبویؐ کی انتظامیہ نے واضح کیا ہے کہ 15 سال سے کم عمر بچوں کو مسجد لانے کی اجازت نہیں ہوگی۔