پاکستان شوبز انڈسٹری کی معروف اداکارہ صبا قمر نے اپنی میوزک ویڈیو ایک ادھوری لوَ اسٹوری: چنگاریاں ریلیز کردی۔

تفصیلات کے مطابق چنگاریاں اداکارہ صبا قمر کے یوٹیوب چینل کی قسط نمبر 6 ہے۔

مزید پڑھیں

صبا قمر کا سالگرہ کی تقریب کے حوالے سے اہم انکشاف

پاکستان شوبز انڈسٹری صبا قمر کی سالگرہ کے سوشل میڈیا پر بہت...

صبا قمر نے فوٹو اینڈ ویڈیو شیئرنگ ایپ انسٹاگرام پر چنگاریاں کی ویڈیو پوسٹ کی ہے۔

اداکارہ نے انسٹاگرام کی پوسٹ کے اختتام میں اپنے اس پروجیکٹ کو مکمل کرنے میں ساتھ دینے والوں کا شکریہ ادا کیا۔

 خصوصی طور پر اداکارہ صبا قمر، عماد عرفانی اور مصطفی زاہد کی شکرگزار دکھائی دیں۔

تاہم ویڈیو میں دیکھا جا سکتا ہے کہ اداکارہ ویڈیو میں خود پہلے ہنستی مسکراتی اور پھر روتی بھی دکھائی دیتی ہیں۔

اداکارہ کا اس قسط کے حوالے سے کہنا ہے کہ  یہ قسط ان کے احساسات کی عکاسی کررہی ہے۔

صبا قمر نے بتایا کہ چنگاریاں  ان کے لیے بہت خاص اور دل کے قریب ہے۔

اداکارہ نے کہا کہ اپنی سالگرہ اور اپنے یوٹیوب چینل کی پہلی سالگرہ پر میں نے یہ قسط ریلیز کی کیونکہ یہ میرے دل کے بہت قریب ہے اور اسے تیار کرنے میں، میں نے دل و جان سے محنت کی ہے۔

اداکارہ نے اپنے مداحوں کو بتایا کہ اس قسط کی صورت میرا ایک خواب پورا ہورہا ہے۔

انہوں نے کہا کہ یہ ویڈیو آپ کو بھی ایسا ہی احساس دلائے گی کہ زندگی بڑھتی رہتی ہے، یہ ویڈیو ایسی کہانی پر مبنی ہے جو آپ سب کی کہانی ہے۔

واضح رہے کہ گزشتہ دنوں اداکارہ کی عظیم خان سے شادی کی خبریں زیرگردش تھیں جسے انہوں نے ایک پیغام کے ذریعے یہ کہتے ہوئے رد کردیا تھا کہ وہ اور عظیم خان شادی نہیں کر رہے۔