ایرانی انتظامیہ نے ملک میں کورونا وائرس کی تشویش ناک صورتحال کے بعد پاکستان کے ساتھ اپنی سرحد جزوی طور پر بند کرنے کا فیصلہ کیا ہے۔

تفصیلات کے مطابق تفتان بارڈر پر امیگریشن گیٹ آج سے غیر معینہ مدت کے لیے بند ہوجائے گا۔ ایرانی حکام نے تفتان کی مقامی انتظامیہ کو اپنے اس فیصلے سے متعلق آگاہ کردیا ہے۔

ذرائع کے مطابق تفتان اور میر جاویح سرحد پر ہجرت کا عمل رُک جائے گا، تاہم دونوں ممالک کے درمیان تجارتی سرگرمیاں بدستور جاری رہیں گی۔

لیویز فورس کے افسر نے اس حوالے سے واضح کیا ہے کہ تفتان بارڈر پر صرف ایرانی ڈرائیورز کو ان کی گاڑیوں کے ہمراہ عارضی طور پر داخلے اور واپسی کے لیے کلیئرنس دی جائے گی۔