وزیراعلیٰ پنجاب عثمان بزدار کا کہنا ہے کہ پنجاب کے عوام کو خوشخبریاں دینگے۔

تفصیلات کے مطابق وزیراعلیٰ پنجاب عثمان بزدار نے کہا ہے کہ ہم اپنی منزل کی طرف گامز ن ہیں، عوام سے کیے اپنے وعدے نبھائیں گے اور عوام کی امیدوں پر پورا اتریں گے، بہت جلد صوبے کے عوام کو خوشخبریاں دینگے۔

وزیراعلیٰ پنجاب کا کہنا تھا کہ عوام نے محرومیوں کے ازالے کے لئے تحریک انصاف کو مینڈیٹ سے نوازا، ہم یکسا ں ترقی کی پالیسی کے تحت ہر ضلع کو ڈویلپمنٹ پیکیج دے رہے ہیں، ترقی ہر پسماندہ شہر، قصبے اور گاؤں کاحق ہے۔

انہوں نے مزید کہاکہ یہ ترقی اب عام آدمی کے گلی محلے میں نظر آئے گی۔