پاکستان شوبز انڈسٹری کی اداکارہ صبا قمر کی عظیم خان سے شادی منسوخ کرنے پر بلاگر عظیم خان نے رد عمل دے دیا۔

گزشتہ دنوں صبا قمر کی جانب سے بیرون ملک مقیم عظیم خان نامی بلاگر سے شادی کی خبروں کی تصدیق کی گئی تھی۔

مزید پڑھیں

صبا قمر کا شادی نہ کر نے کا اعلان ، انکار کی وجہ بھی بتا دی

پاکستان شوبز انڈسٹری کی صف اول کی خوبرو اداکارہ صبا قمر نےعظیم...

صبا قمر نے اپنی شادی سے متعلق کہا تھا کہ وہ جَلد عظیم خان سے شادی کرنے جا رہی ہیں۔

جبکہ آج صبا قمر کی جانب سے عظیم خان سے شادی کی منسوخی سے متعلق ایک پوسٹ سوشل میڈیا پر شیئر کی گئی ہے جس پر عظیم خان کی جانب سے بھی رد عمل سامنے آ گیا ہے ۔

عظیم خان نے صبا قمر کی انسٹا اسٹوری شیئر کرتے ہوئے کہا کہ ’صبا قمر نے میرا مؤقف بیان نہیں کیا اور ہاں یہ میری غلطی ہے۔‘

واضح رہے صبا قمر نے فوٹو و ویڈیوشیئرنگ ویب سائٹ انسٹا گرام پر ایک تفصیلی نوٹ شیئر کیا تھا، جس میں انہوں نے عظیم خان سے شادی کرنے کے فیصلے کو واپس لینے کا اعلان کیا ہے۔

صبا قمر نے عظیم خان سے شادی سے انکار کی وجہ بتاتے ہوئے لکھا تھا کہ وہ ایک اہم اعلان کرنا چاہتی ہیں، بہت سارے ذاتی معاملات کی بناء پر انہوں نے عظیم خان سے اپنی شادی منسوخ کر دی ہے، اب ہم شادی نہیں کر رہے ہیں۔

صبا قمر نے اپنی پوسٹ میں مزید لکھا تھا کہ انہیں امید ہے کہ اُن کے مداح اس فیصلے کی حوصلہ افزائی کریں گے جیسے کہ آج تک آپ سب  میرے فیصلوں کو  سپورٹ کرتے آئے ہیں اور اُن کے خیال میں اُنہیں کڑوا سچ جاننے میں کوئی تاخیر نہیں ہوئی ہے۔

انہوں نے مزید کہا تھا کہ وہ ایک اور اہم بات واضح کرنا چاہتی ہیں کہ وہ آج تک اپنی زندگی میں کبھی عظیم خان سے نہیں ملی ہیں، اُن کا اور عظیم خان کا رابطہ صرف فون پر تھا۔

صبا قمر کا خود سے متعلق کہنا تھا کہ وہ اس وقت بہت کڑے وقت سے گزر رہی ہیں، مگر ہم سب جانتے ہیں کہ یہ وقت بھی گزر جائے گا، انشاء اللّٰہ۔