سیکیورٹی ایکسچینج کمیشن آف پاکستان (ایس ای سی پی) نے ڈیٹا جاری کرتے ہوئے بتایا ہے کہ ملک میں رجسٹرڈ کمپنیوں کی تعداد 139،620 ہوگئی ہے، مارچ میں 2،513 نئی کمپنیاں رجسٹرہوئی ہیں۔

تفصیلات کے مطابق ایس ای سی پی نے رجسٹرڈ کمپنیوں سے متعلق ڈیٹا جاری کرتے ہوئے بتایا کہ نئی کمپنیوں کی رجسٹریشن میں 72  فیصد اضافہ ہوا ہے جس میں 99 فیصد کمپنیوں نے آن لائن رجسٹریشن حاصل کی ہے۔

ایس ای سی پی کے مطابق 260 غیر ملکی سرمایہ کاروں نے بیرون ملک سے کمپنیاں رجسٹر کروائی ہیں۔

ڈیٹا کے مطابق رئیل اسٹیٹ اورتعمیرات میں 414،تجارت کے شعبے میں 393 کمپنیاں رجسٹر ہوئی ہیں۔

ایس ای سی پی کے مطابق انفارمیشن ٹیکنالوجی میں 311، سروسز میں 247 کمپنیاں رجسٹر ہوئی ہیں۔