وزیر اعظم عمران خان کی ہدایت پر پشاور میں یوٹیلیٹی اسٹورز پر رمضان پیکج کا آغاز کر دیا گیا ہے۔

تفصیلات کے مطابق زونل یوٹیلیٹی اسٹورز کارپوریشن کے منیجر نے کہا ہے کہ حکومت نے پہلی بار یوٹیلیٹی اسٹورز کو 8 ارب کا پیکج دیا ہے۔

پشاور میں ایم این اے ناصر موسیٰ زئی اور زونل منیجر یوٹیلیٹی اسٹورز کارپوریشن نے رمضان پیکج کا افتتاح کیا ہے۔

منیجر یوٹیلیٹی اسٹورز کارپوریشن نے کہا کہ یوٹیلیٹی اسٹورز پر آٹا، گھی اور چینی سمیت 19 آئٹمز پر سبسڈی دی جائے گی۔

زونل منیجر کا کہنا تھا کہ عوام کو 20 کلو تھیلے پر 600 روپے سبسڈی ، چینی پر 32 اور گھی پر 120 روپے فی کلو سبسڈی دی جا رہی ہے۔

زونل منیجر یوٹیلیٹی اسٹورز کارپوریشن نے مزید کہا کہ رمضان المبارک میں شام تک اسٹورز کھلے رہیں گے ، عوام کو سہولت فراہم کرنا اولین ترجیح ہوگی۔