محکمہ موسمیات کے مطابق آج سندھ، پنجاب، بلوچستان سمیت ملک کے اکثر علاقوں میں موسم گرم اور خشک رہے گا جبکہ خیبرپختونخوا کے کچھ علاقوں میں بادل برسنے کا امکان ہے۔

سندھ کے بیشتر علاقے گرمی کی لہر کے زیر اثر ہیں۔

محکمہ موسمیات نے نواب شاہ میں پارہ 46ڈگری سینٹی گریڈ تک جانے کی پیشگوئی کی ہے۔

بلوچستان میں تربت، سبی اور نوکنڈی میں آج بھی شدید گرمی پڑنے کا امکان ہے۔

جنوبی پنجاب میں بھی موسم شدید گرم رہے گا۔

خیبرپختونخوا میں پشاور، کوہاٹ اورسوات میں گرج چمک کے ساتھ بارش کی توقع ہے۔

گرم موسم کے حوالے سے ماہرین کا کہنا ہے کہ بلا ضرورت گھر سے باہر مت نکلیں، سر اور جسم کے دیگر حصوں کو ڈھانپ کر باہر جائیں۔