پشاور ہائی کورٹ نے مسلم لیگ (ن) کے رہنما ، سابق وزیر اعظم نواز شریف کے داماد اور مریم نواز کے شوہرکیپٹن (ر) محمد صفدر کی ضمانت قبل از گرفتاری منظور کر لی ہے۔

تفصیلات کے مطابق پشاور ہائی کورٹ کے جسٹس لعل جان کی سربراہی میں بینچ نے کیپٹن(ر) محمد صفدر کی درخواست ضمانت کا فیصلہ سنایا۔

عدالت نے کیپٹن(ر) محمد صفدر کی ضمانت قبل از گرفتاری منظور کر لی ہے۔

عدالت کے باہر میڈیا سے بات کرتے ہوئے کیپٹن(ر) محمد صفدر نے کہا کہ ضمانت ملنے پر خوش ہوں، انصاف ملنے پر پشاور ہائی کورٹ کا شکر گزار ہوں۔

ذرائع کے مطابق ضمانت قبل از گرفتاری منظورہونے کی خوشی میں انہوں نے عدالت کے احاطے میں شکرانے کے نوافل بھی ادا کیے ۔

واضح رہےکہ عدالت نے کیپٹن(ر) محمد صفدر کی عدم موجودگی پر فیصلہ 22 اپریل کو مؤخر کر دیا تھا۔