صدر مملکت ڈاکٹرعارف علوی نے اسلامی نظریاتی کونسل میں تقرریوں کی منظوری دے دی ہے۔

تفصیلات کے مطابق صدر مملکت نے آئین کے آرٹیکل 228  کے تحت اسلامی نظریاتی کونسل کی  12 خالی نشستوں پر تقرریوں کی منظوری دی ہے۔

ذرائع کے مطابق ڈاکٹر قبلہ ایاز بطور چئیرمین اسلامی نظریاتی کونسل تعینات کردیے گئے جبکہ کراچی یونیورسٹی سے ڈاکٹر عمیر محمود صدیقی،  پیر ابوالحسن محمد شاہ آف بھیرہ شریف بطور ممبر تعینات کیے گئے ہیں۔

اس کے علاوہ محمد حسن حسیب الرحمان  اور دارالعلوم حقانیہ ، اکوڑہ خٹک کے مولانا حمید الحق حقانی  بھی ممبر تعینات کیے گئے ہیں۔

صدر مملکت نے علامہ محمد حسین اکبر، سید ضیاء اللہ شاہ بخاری اورپیرزادہ جنید امین کی بطور ممبر منظوری دیدی ہے جبکہ حافظ محمد طاہر محمود اشرفی، مفتی محمد زبیر، سید محمد حبیب عرفانی اور مولانا  نسیم علی شاہ بھی اسلامی نظریاتی کونسل کے ممبر تعینات کردیے گئے ہیں۔