احتساب عدالت میں جعلی اکاونٹس کیسز کی سماعت کے دوران سابق صدر ‏آصف زرداری کیخلاف پانچواں ریفرنس سماعت کے لیے مقرر کردیا گیا ہے۔

تفصیلات کے مطابق آصف زرداری کی آٹھ ارب روپے کی منی لانڈرنگ کا ریفرنس سماعت کیلئے مقرر کیا گیا، عدالت نے آصف زرداری کی طلبی کا نوٹس جاری کردیا ہے۔

عدالتی نوٹس کے مطابق آصف زرداری 20مئی کو احتساب عدالت میں پیش ہونگے، عدالت نے شریک ملزم مشتاق  احمد کی بھی طلبی کا نوٹس جاری کیا ہے۔

طلبی کے نوٹسز احتساب عدالت نمبرتین کے جج اصغر علی نے جاری کئے ہیں۔

نیب ریفرنس کے مطابق آصف زردادی پر جعلی اکاونٹس سے آٹھ ارب سے زائد کی منی لانڈرنگ کا الزام ہے۔

نیب ریفرنس کے مطابق کرپشن کے پیسے سے آصف زرداری نے گھر بھی خریدا۔