مسلم لیگ ن کے صدرشہباز شریف نے کراچی کے قومی اسمبلی کے حلقے این اے 249 میں آج ہونے والے ضمنی انتخاب کے سلسلے میں شہریوں کے نام پیغام جاری کیا ہے ۔

تفصیلات کے مطابق لاہور سے جاری کیے گئے پیغام  میں مسلم لیگ ن کے صدر اور قومی اسمبلی میں اپوزیشن لیڈر شہباز شریف نے قومی اسمبلی کے حلقے این اے 249 کے عوام سے اپیل کی ہے کہ اپنے گھروں سے نکلیں ۔ ووٹ کے اپنے آئینی و جمہوری حق کو ذمے داری سے استعمال کریں۔

انہوں نے کہاکہ عوام ووٹ کی طاقت سے اہل اور دیانت دار قیادت منتخب کر سکتے ہیں۔

مسلم لیگ ن کے صدر اور قومی اسمبلی میں اپوزیشن لیڈر شہبا ز شریف کا شہریوں سے یہ بھی کہنا ہے کہ کورونا وائرس کے پیش نظر اپنا اور اپنے ارد گرد دیگر افراد کا خیال رکھیں۔