این سی او سی نے وزارت داخلہ کو عید الفطر پر 7 چھٹیوں کی سفارش کر دی ہے۔

تفصیلات کے مطابق نیشنل کمانڈ اینڈ آپریشن سینٹر( این سی او سی) نے سفارش کی ہے کہ 10 سے 16 مئی تک عید کی چھٹیاں دی جائیں۔

ذرائع کے مطابق وزارت داخلہ چھٹیوں کی سمری وفاقی کابینہ کو ارسال کرے گا ، وفاقی کابینہ سے منظوری کے بعد عید کی چھٹیوں کا نوٹیفکیشن جاری ہوگا۔

واضح رہے کہ گزشتہ سال وزارت داخلہ کی جانب سے عید الفطر پر 6 چھٹیوں کا اعلان کیا گیا تھا۔
کورونا وباء کے باعث نوٹیفکیشن میں یہ بھی واضح کیا گیا تھا کہ چھٹیوں کے دوران تمام بڑے کاروباری مراکز، عوامی مقامات، کمیونٹی مارکیٹیں اور دکانیں بند رہیں گی۔