خیبرپختونخوا کے بعد سندھ حکومت نے بھی کورونا کیسز میں اضافے کے پیش نظر بڑا فیصلہ کرلیا ہے۔

تفصیلات کے مطابق سندھ حکومت نے دو روز بعد بین الصوبائی ٹرانسپورٹ بند کرنے کا فیصلہ کرلیا ہے جس کے تحت سندھ میں انٹر سٹی اور بین الصوبائی ٹرانسپورٹ پر دو ہفتوں کے لیے  پابندی ہوگی۔

اس سلسلے میں محکمہ داخلہ سندھ کی جانب سے این سی او سی کو آگاہ کردیا گیا ہے۔

دوسری جانب خیبرپختونخوا میں بھی کورونا کیسز میں اضافے کے پیش نظرہفتے میں دو روز عوامی ٹرانسپورٹ بند رکھنے کا اعلان کیا گیا ہے۔

کورونا کی تیسری لہر تیزی سے پھیلنے کے بعد خیبرپختونخوا حکومت نےعوام کی حفاظت کے لیے اقدامات سخت کرتے ہوئے ہفتے اور اتوار کو پبلک ٹرانسپورٹ کو مکمل بند رکھنے کا اعلان کیا ہے۔