وزیراعظم عمران خان نے کہا ہے کہ موجودہ چیلنجز بہتر مستقبل کیلئے بہترین موقع ہیں۔

تفصیلات کے مطابق وزیراعظم عمران خان نے اکنامک اینڈ سوشل کونسل فورم سے خطاب کرتے ہوئے کہا کہ فورم سے افتتاحی خطاب میرے لیے باعث مسرت ہے۔

وزیراعظم نے کہا کہ کورونا وبا کی پہلی لہرکے دوران اسمارٹ لاک ڈاؤن کی پالیسی اپنائی اور اب پاکستان کورونا وبا کی تیسری لہر کا سامنا کررہا ہے۔

عمران خان نے یہ بھی کہا کہ آئی ایم ایف اور عالمی بینک ترقی پذیر ملکوں کی مدد کیلئے مناسب فنڈز رکھتے ہیں۔

وزیراعظم عمران خان نے مزید کہا کہ فورم ترقی پذیر ملکوں کی معاشی وسماجی حالت سدھارنے کیلئےاہم کردار ادا کرسکتا ہے، ترقی پذیر ملکوں کیلئے فوری طور پر ہنگامی مالیاتی ریلیف فراہم کیاجائے۔