کورونا وباء کی تشویشناک صورتحال کے پیشِ نظر وفاقی دارالحکومت اسلام آباد میں ہوٹل و ریسٹورنٹس کو ہفتے میں دو دن بند کرنے کا فیصلہ کیا گیا ہے۔

تفصیلات کے مطابق ضلعی انتظامیہ نے پابندی کا نوٹیفکیشن جاری کردیا، جمعہ اور ہفتہ کے روز شہر بھر کے تمام ہوٹل و ریسٹورنٹس پر پابندی ہوگی۔

جاری نوٹیفکیشن کے مطابق ہوٹل و ریسٹورنٹس کے اندر اور باہر بیٹھ کر کھانا کھانے پربھی پابندی ہوگی۔ ان دو دنوں میں کھانا پیک کروا کر لیا جاسکے گا۔

واضح رہےکہ وفاقی دارالحکومت اسلام آباد میں کورونا کے مریضوں کی مجموعی تعداد 59401 ہے اور اب تک 572 مریض انتقال کرچکے ہیں۔