سیکیورٹی خدشات کے پیشِ نظر پاکستانی پارلیمانی وفد کا دورہ افغانستان ملتوی ہوگیا ہے۔

تفصیلات کے مطابق اسپیکر اسد قیصر کی سربراہی میں پاکستانی پارلیمانی وفد نے افغانستان کا تین روزہ دورہ کرنا تھا تاہم اب وفد کا دورہ افغانستان ملتوی ہوگیا ہے۔

ذرائع کا کہنا ہے کہ سیکیورٹی وجوہات کی بناء پر کابل انٹرنیشنل ائیرپورٹ بند ہے جس کے باعث پاکستانی وفد کو بھی دورہ ملتوی کرنا پڑا۔

واضح رہےکہ اس سے قبل میڈیا سے غیررسمی گفتگو کرتے ہوئے اسپیکر قومی اسمبلی اسد قیصرکا کہنا تھا کہ پاکستان افغانستان کے ساتھ دوطرفہ تعلقات کو مزید مستحکم بنانے کیلئے عوام کی سطح پر روابط بڑھانے کا خواہا ں ہے، افغان قیادت کے ساتھ بات چیت کے دوران تجارت اور سرمایہ کاری کے امور زیر بحث آئیں گے۔