مولانا طاہر اشرفی نے کہا ہے کہ کالعدم ٹی ایل پی سے مذاکرات کامیاب ہوگئے ہیں، دھرنے ختم ہوجائیں گے۔

تفصیلات کے مطابق ایک نجی ٹی وی سے گفتگو کرتے ہوئے وزیراعظم کے معاون خصوصی برائے بین المذاہب ہم آہنگی مولانا طاہر اشرفی  نے کہاکہ  ناموس رسالت کے حوالے سے قرارداد قومی اسمبلی میں پیش ہو گی ، پارلیمان جو طے کرے گی اس پر عمل درآمد ہوگا۔

انہوں نے مزید کہا کہ ناموس رسالت سے متعلق پاکستان عالمی سطح پر کردار ادا کرے گا۔

واضح رہےکہ حکومت اور کالعدم ٹی ایل پی کے درمیان مذاکرات کامیاب ہو گئے ہیں۔

 آج قومی اسمبلی میں فرانسیسی سفیر کی ملک بدری کی قرارداد بھی پیش کی جائے گی۔