پاکستان شوبز انڈسٹری کے معروف اداکار عمران عباس کی ترک اداکارہ اچیلیا کے ہمراہ ویڈیو وائرل ہو گئی۔

 عمران عباس کی ’کورلش عثمان‘ کی اداکارہ اچیلیا کے ہمراہ بالی ووڈ کا گانا ’سمے نہ یہ کیا کیا‘ گاتے ویڈیو وائرل ہوئی۔

مزید پڑھیں

اسٹیٹ بینک آف پاکستان سے بڑی خوشخبری آ گئی

اسٹیٹ بینک آف پاکستان (ایس بی پی) سے بڑی خوشخبری آ گئی...

عمران عباس نے اپنی خوبصورتی کا راز بتا دیا

پاکستان شوبز انڈسٹری کے اداکار عمران عباس نے اپنی خوبصورتی کا راز...

حال ہی میں اداکار نے ترک اداکارہ اچیلیا کے ہمراہ ایک ویڈیو شیئر کی ہے جس میں وہ بالی ووڈ گانے پر اپنی آواز کا جادو جگا رہے ہیں۔

بالی ووڈ کے گانے کو ترک اداکارہ بھی خوبصورتی سے نبھا رہی ہیں کیونکہ وہ یہ گانا پہلے بھی گا کر اپلوڈ کرچکی ہیں۔

عمران عباس نے ویڈیو شیئر کرتے ہوئے لکھا کہ ’جب موسیقی دو سرحدوں کو آپس میں جوڑ دے۔‘

عمران عباس آج کل ترکی میں موجود ہیں اور اس معروف تاریخی سیریز کے مرکزی کرداروں سے ملاقات کررہے ہیں۔

اداکارعمران عباس ملاقات کی تصاویر اور ویڈیو کو اپنے انسٹاگرام اکاؤنٹ پر پوسٹ بھی کررہے ہیں۔

واضح رہے کہ اچیلیا نے ’ارطغرل غازی‘ کے سیکوئل ’کورلش عثمان‘ میں ارطغرل کے بڑے بیٹے ’گندوز بے‘ کی اہلیہ ’عائشہ خاتون‘ کا کردار ادا کیا ہے۔