امیر جماعت اسلامی سراج الحق نے کہا ہے کہ نوجوان طبقہ مستقبل کے بارے میں مایوس ہو رہا ہے۔

تفصیلات کے مطابق امیر جماعت اسلامی سراج الحق نے اپنے ایک بیان میں کہا کہ ملک کی مجموعی معاشی صورتحال تشویش کن ہے۔

سراج الحق نے کہا کہ پچاس فیصد آبادی انتہائی مخدوش حالات زندگی سے گزر رہی ہے۔

انہوں نے کہا کہ کورونا کی وجہ سے حالات مزید خراب ہوئے ہیں مگر صورت حال پہلے بھی بہتر نہ تھی۔

سراج الحق کا کہنا تھا کہ پی ٹی آئی کے دورمیں بے روزگاری کی شرح اوپر گئی ہے،لاکھوں نوجوان ڈگریاں اٹھائے نوکریوں کی تلاش میں گھوم رہے ہیں۔

سراج الحق  نے یہ بھی کہا کہ زراعت اور صنعت کی بہتری کے لئے پالیسیاں تشکیل نہیں دی گئی ہیں۔

سراج الحق  کا کہنا تھا کہ کسان، مزدور اور تاجر حالات کی وجہ سے پریشان ہیں ،پاکستانیوں کا بال بال قرضوں میں جکڑا ہوا ہے۔

سراج الحق  نے مزید کہا کہ  قرآن و سنت کے نظام کے نفاذ کے بغیر ملک آگے نہیں بڑھ سکتا ،اسلامی انقلاب کے لئے راہ ہموار کرنا ہوں گی۔