پاکستان شوبز انڈسٹری کی اداکارہ آمنہ الیاس کی ہاجرہ یامین اور دیگر کے ساتھ بنائی گئی ویڈیو سوشل میڈیا پر وائرل ہو گئی ہے۔

آمنہ الیاس کی جانب سے حال ہی میں معروف اداکارہ ہاجرہ یامین کے ہمراہ ایک ویڈیو بنائی گئی ہے۔

ویڈیو میں دیکھا جا سکتا ہے کہ دونوں ہی اداکاراؤں نے آج کل کی تلخ حقیقت سے  پردہ اُٹھایا ہے۔

اس مزاحیہ اور سبق آموز ویڈیو کو دونوں اداکاراؤں کی جانب سے اپنے انسٹا گرام اکاؤنٹ پر شیئر کیا گیا ہے۔

آمنہ الیاس کی ویڈیو میں دیکھا جا سکتا ہے کیسے اکثر اوقات دوست احباب جنہیں ہم خود سے مخلص سمجھتے ہیں وہی دوست ہماری موجودگی میں ہمارے ساتھ میٹھے بول بولتے ہیں اور ہماری غیر موجودگی میں فوراً ہی ہم میں موجود خامیاں بیان کرنا شروع کر دیتے ہیں۔

اس ویڈیو کو دونوں اداکاراؤں کے مداحوں و فالوورز کی جانب سے خوب پسند کیا جا رہا ہے۔