پاکستان شوبز انڈسٹری کی معروف اداکارہ صبا قمر نے بھی فلسطین کے حق میں آواز بلند کر لی ہے۔

صبا قمر نے فلسطین کی حمایت میں کہا کہ فلسطین کی موجودہ صورتحال دیکھ کر میرا دل غم سے بھر گیا ہے۔

https://twitter.com/s_qamarzaman/status/1392357912820031488?ref_src=twsrc%5Etfw%7Ctwcamp%5Etweetembed%7Ctwterm%5E1392357912820031488%7Ctwgr%5E%7Ctwcon%5Es1_&ref_url=https%3A%2F%2Fjang.com.pk%2Fnews%2F925805

اداکارہ نے سماجی رابطے کی ویب سائٹ ٹوئٹر پر کہا کہ فلسطین میں دہشت گردی فوری بند کی جائے اور آزاد کیا جائے۔

صبا قمر نے مختلف ہیش ٹیگز استعمال کیے اورمزید کہا کہ جو کچھ فلسطین میں ہورہا ہے وہ ہیبت ناک ہے، انسانیت سوز ہے۔

واضح رہے کہ غزہ پر اسرائیل کی وحشیانہ بمباری نہ رکی، فلسطینی وزارت صحت کا کہنا ہے کہ جاں بحق فلسطینیوں کی تعداد 35 ہوگئی ہے۔

جاں بحق ہونے والوں میں13 بچے اور مزاحمتی تنظیموں کے کئی رہنما بھی شہداء میں شامل ہیں، ایک ہزار سے زائد افراد زخمی، درجنوں عمارتیں مٹی کا ڈھیر بنادی گئی ہیں۔

دوسری جانب غزہ پر اسرائیل کی وحشیانہ بمباری کے واقعے پر عالمی رہنما اور ادارے خاموش ہیں اور ابھی تک اسرائیل کے اس وحشیانہ تشدد کو روکنے کے لیے کوئی خاص اقدام بھی نہیں کیا گیا ہے۔