پاکستان مسلم لیگ (ن) کی ترجمان مریم اورنگزیب نے کہا ہے کہ عمران صاحب کوعید کے دن غریب عوام کی فکر نہیں ہے۔

تفصیلات کے مطابق پاکستان مسلم لیگ (ن) کی ترجمان مریم اورنگزیب نے اپنے ایک بیان میں کہا کہ عید تعطیلات میں شہباز شریف عمران خان کے اعصاب پر طاری ہیں۔

مریم اورنگزیب نے کہا کہ عید کے دن دفتر کھلوا کر شہباز شریف کو ای سی ایل پہ ڈالا گیا۔

انہوں نے یہ بھی کہا کہ دوست ممالک سرمایہ کاری نہیں بلکہ خیرات دے رہے ہیں۔

پاکستان مسلم لیگ (ن) کی ترجمان کا کہنا تھا کہ عمران خان نے عید پر آٹا اور چینی سستی کرنے کی ہدایت نہیں دی۔

مریم اورنگزیب نے کہا کہ عمران خان نے شہباز شریف کا نام ای سی ایل میں ڈالنے کا حکم دیا ہے۔

انہوں نے یہ بھی کہا کہ عمران خان کاش عید پرعوام کو استعفےکی خوشخبری سناتے ،کاش عید کے دن آپ عوام سے معافی مانگتے، کاش چینی ،آٹا اور کمیشن خوروں کی گرفتاری کا حکم دیتے اور کاش آپ 14 ہزار ارب کا قرض لوٹنے والوں کو ای سی ایل پر ڈالتے۔

انہوں نے کہا کہ عمران خان جان بوجھ کرتوہین عدالت کر رہے ہیں جبکہ عدالت نے شہبازشریف کو باہر جانے کی اجازت دی ہے۔

پاکستان مسلم لیگ (ن) کی ترجمان مریم اورنگزیب نے مزید کہا کہ حکم ماننے سےانکارعدالت کی توہین نہیں،عدالت پرحملہ ہے