پاکستان کی معروف اداکارہ صبا قمر نے خود سے ملنے کی شرط واضح کر دی ہے۔

تفصیلات کے مطابق اداکارہ صبا قمر نے فوٹو اینڈ ویڈیو شیئرنگ ایپ انسٹاگرام اسٹوری میں ایک تصویر پوسٹ کی ہے۔

پوسٹ کی جانے والی تصویر میں دیکھا جا سکتا ہے کہ اداکارہ کے کمرے کے باہر ایک نوٹ لکھا ہے جس پر یہ واضح ہے کہ کمرے میں ماسک لگائے بنا نا آیا جائے۔

صبا قمر نے سب کو بتادیا کہ اگر سیٹ پر ان سے ملنا ہے تو ایک بات کا خیال رکھنا ہوگا۔

ویڈیو میں دیکھا جاسکتا ہے کہ صبا قمر کے دروازے پر نوٹس لگا ہوا ہے کہ ’ماسک نہیں تو انٹری نہیں‘۔

خیال رہے کہ کورونا وائرس کی وجہ سے پاکستان سمیت دنیا بھر میں مشہور شخصیات کی جانب سے اس طرح کے حفاظتی اقدامات اب عام ہونے لگے ہیں۔