پاکستان سپر لیگ(پی ایس ایل) کے چھٹے سیزن کیلئے کھلاڑیوں اور آفیشلز کی ابوظہبی روانگی مزید تاخیر کا شکار ہوگئی ہے۔

پی سی بی ذرائع کے مطابق کلیئرنس نہ ملنے پر نسیم شاہ ، موسیٰ خان ، محمد حارث اور عامرخان سمیت دس افراد واپس ہوٹل پہنچ چکے ہیں جبکہ کھلاڑیوں نے خود کو بائیوسکیورببل میں قرنطینہ بھی کرلیا ہے۔

پی سی بی حکام کا کہنا ہے کہ کلیئرنس ملنے پر چاروں کھلاڑیوں سمیت دس افراد کو قطرایئرویز کی پرواز سے ابوظہبی روانہ کيا جائے گا۔

واضح رہے کہ دوسری جانب کراچی سے کوئٹہ گلیڈی ایٹرز کے کھلاڑی سرفراز احمد ، محمد حسنين سميت چھ کھلاڑی ابوظہبی روانہ چکے ہیں۔