ویکسین لگوانے والوں کیلئے ماسک کی پابندی ختم کرنے کا اعلان
امریکا نے ویکسین لگوانے والے شہریوں کیلئے ماسک کی پابندی ختم کرنے کا اعلان کردیا ہے۔
امریکی سینٹر فار ڈیزیزز کنٹرول اینڈ پریونشن کی جانب سے جاری ہدایات کے مطابق کورونا ویکسین لگوانے والوں کے لیے انڈور، آوٹ ڈور سرگرمیوں میں ماسک پہننا یا فاصلہ رکھنا لازمی نہیں تاہم جہاز، بس، ریل کے سفر اور ائیرپورٹ، بس اسٹیشز پر ماسک لگایا جا سکتا ہے۔
امریکی ادارۂ صحت نے ہدایت جاری کرتے ہوئے مزید کہا ہے کہ جن لوگوں کی قوت مدافعت کمزور ہے وہ ماسک پہننا ترک کرنے سے پہلے ڈاکٹر سے مشورہ کریں۔
اس کے علاوہ بیرون ملک سے امریکا جانے والوں کے لیےماسک کی پابندی برقرار ہے، ان افراد کیلئے تین دن کے اندر ٹیسٹ کروانے یا پچھلے تین ماہ کے دوران کورونا سے صحتیاب ہونے کی دستاویز دکھانے کی شرط رکھی گئی ہے۔
امریکی صدر نے سی ڈی سی کے اعلان کا بھرپور خیر مقدم کیا ہے اوراسے ایک عظیم دن قرار دیا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News