دہشتگردی کے خلاف جنگ پوری قوم کی جنگ ہے، بلاول بھٹو
پی پی پی چیئرمین بلاول بھٹو زرداری نے کہا ہے کہ دہشتگردی کے خلاف جنگ پوری قوم کی جنگ ہے۔
تفصیلات کے مطابق پی پی پی چیئرمین بلاول بھٹو زرداری نے کوئٹہ اور تربت میں سکیورٹی فورسز پر دہشتگرد حملوں کی شدید مذمت کرتے ہوئے کہا کہ دہشتگردی کے واقعات میں اضافہ باعثِ تشویش ہے۔
اپنے بیان میں پی پی پی چیئرمین بلاول بھٹو زرداری نے حملوں میں سکیورٹی فورسز کے جوانوں کی شہادت پر افسوس کا اظہار کیا ۔ شہید اہلکاروں کے لواحقین سے یکجہتی کا اظہار اور زخمیوں کی جلد صحتیابی کی دعا کی ہے۔
پی پی پی چیئرمین نے کہا کہ اس طرح کی بزدلانہ کارروائیوں سے پاکستانی قوم کے حوصلے توڑے نہیں جاسکتے۔ دہشتگردی کے خلاف جنگ پوری قوم کی جنگ ہے، اس پر کوئی دو رائے نہیں۔
بلاول بھٹو زرداری نے یہ بھی کہا کہ دہشتگردوں کے لئے نرم گوشہ رکھنے والی جماعت کا اقتدار میں ہونا بدقسمتی ہے۔
پی پی پی چیئرمین بلاول بھٹو زرداری نے مزید کہا کہ ملکی حالات روز بروز خراب ہوتے جا رہے ہیں، خاموش نہیں رہا جاسکتا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News