پی ڈی ایم کے سربراہ مولانا فضل الرحمان کا کہنا ہےکہ حکومت موجودہ صورتحال میں بے بس نظرآرہی ہے۔

تفصیلات کے مطابق پی ڈی ایم کے سربراہ مولانا فضل الرحمان نے میڈیا سے گفتگو کرتے ہوئے کہاکہ اسٹیبلشمنٹ  سےمزاحمت یا مفاہمت کاعنوان غلط ہے، آئین کےدائرہ کارمیں ہرکسی کوجانا ہوگا۔

انہوں نے کہاکہ 29مئی کو پی ڈی ایم کا سربراہی اجلاس طلب کیا گیا ہے ، تمام جماعتوں کی مشاورت سےمشترکہ لائحہ عمل طےکیاجائےگا، پی ڈی ایم کوعوامی قوت کےساتھ متحرک کیا جائے گا، عوام پر مسلط ناجائز حکومت کسی صورت قبول نہیں۔

پی ڈی ایم کے سربراہ نے مزید کہا کہ مہنگائی سے غریب کی کمر توڑ دی گئی ہے، آئندہ بھی حکومت سے بہتری کی کوئی امید نہیں ، مرکزی مجلس شوریٰ کا موقف ہے کہ حکومت دھاندلی کی پیداوارہے، حکومت نے3سال میں ملک کودیوالیہ کردیا ہے۔