پاکستان نے مقامی سطح پر کورونا ویکسین کامیابی سے تیار کرلی ہے۔

تفصیلات کے مطابق یہ ویکسین پاکستانی ماہرین نے چینی ٹیم کی نگرانی میں قومی ادارہ صحت میں تیارکی ہے۔

پہلے فیز میں سنگل ڈوزکین سائینو کی1لاکھ24ڈوز تیار کی گئی ہیں۔

مقامی سطح پر تیار کردہ یہ کورونا ویکسین آئندہ ہفتے استعمال کے لیے دستیاب ہوگی۔

ذرائع کے مطابق ویکسین کی دوسری کھیپ پاکستانی ماہرین خود تیار کرینگے۔

چینی ٹیم نے ویکسین سازی میں پاکستانی ماہرین کو مکمل معاونت فراہم کی۔

پاکستان کو ویکسین کی تیاری  کے لیے خام مال چینی کمپنی کین سائینو نے فراہم کیا۔

واضح رہےکہ کورونا ویکسین کی دوسری کھیپ کی تیاری کے لیے خام مال چین سے جلد پاکستان آئے گا۔