معاون خصوصی برائے سیاسی ابلاغ ڈاکٹر شہباز گِل نے کہا ہے کہ نااہل لیگ صرف باتوں کی حد تک جمہوری ہے۔

تفصیلات کے مطابق معاون خصوصی برائے سیاسی ابلاغ ڈاکٹر شہباز گِل نے شاہد خاقان عباسی کے بیان پر ردعمل دیتے ہوئے کہا کہ قانون کا احترام کرنے والے سپریم کورٹ پر حملے نہیں کرتے۔

شہباز گِل نے کہا کہ گھٹیا لوگ قانون کا مزاق اڑا کر لندن میں عیش کر رہے ہیں۔

انہوں نے یہ بھی کہا کہ شاہد خاقان قانون کا بھاشن اسحاق ڈار کو پڑھائیں ،اسحاق ڈار غریب عوام کے حق پر ڈاکا مار کر مفرور ہیں۔

ڈاکٹر شہباز کا کہنا تھا کہ بڑے میاں کے ضمانتی چھوٹے میاں خود بھی فرار ہونے کی کوشش میں سرگرداں ہیں جبکہ موصوف نے بڑے بھائی کو واپس لانے کے لئے ضمانت دی مگر میاں مفرور آئے ہی نہیں۔

انہوں نے یہ بھی کہا کہ علاج کے لئے باہر جانے والوں نے سب کچھ کیا مگر علاج نہ کروایا۔

معاون خصوصی برائے سیاسی ابلاغ ڈاکٹر شہباز گِل کا مزید کہنا تھا کہ موصوف کے خلاف سات ارب روپے کے آمدن سے زیادہ اثاثوں کا کیس چل رہا ہے۔